Технологийн тэргүүлэгч төдийгүй бизнесийн амин чухал хэрэглээ болон э-мэйл үйлчилгээг зах зээлд нийлүүлэгч Microsoft корпораци нь э-мэйл үйлчилгээнийхээ аюулгүй байдлын шийдлээ өргөтгөн байр сууриа илүү бэхжүүлж байна. Учир нь байгууллагууд Microsoft 365 үйлчилгээний давуу талууд, найдвартай ажиллагаа зэрэгт татагдан э-мэйл үйлчилгээгээ Microsoft 365 болгон шилжүүлж эхэлсэн бөгөөд Microsoft 365 нь сүүлийн 2 жилийн хугацаанд маш хурдацтай хөгжиж, өөртөө аюулгүй байдлын чухал хэрэгслүүдийг багтаасан байдаг нь хэрэглэгчидийн анхаарлыг ихээхэн татдаг.
Микрософтын э-мэйл үйлчилгээнд зориулан гаргасан "Microsoft Defender for Office 365" буюу MDO шийдэл нь гаднаас ирж байгаа э-мэйлийг шүүх, фишинг халдлагаас хамгаалах, вирус болон хортой програмаас хамгаалах, өгөгдөл алдагдахаас хамгаалах, сүлжээгээр дамжиж буй мэдээллийн нууцлалыг хангах зэрэг маш олон аюулгүй байдлыг хангах чадамжуудтай. Мөн MDO нь Microsoft Defender (EDR) болон Azure Sentinel (SIEM) шийдлүүдтэй интеграцчилагдах боломжтой. Энэ нь томоохон байгууллагуудын хувьд чухал давуу тал болдог тул ихэнх байгууллагууд Микрософтын шийдэлрүү шилжсээр байна.

Trend Micro нь сүлжээ, клауд болон хэрэглэгчийн копмьютер, гар утас, төхөөрөмжийн аюулгүй байдлын маш өргөн бүтээгдэхүүний багцтай дэлхийн шилдэг технологийн компани бөгөөд дээр дурдсан халдлагуудаас хамгаалах э-мэйлийн аюулгүй байдлын шийдлээр тэргүүлэгчидийн нэг юм. "Trendmicro Email Security" шийдэл нь э-мэйлээр дамжин ирж буй вирус, хортой код болон фишиг халдлагуудыг зогсоож таны э-мэйлийн аюулгүй байдлыг бүрэн хангадаг. Үүнээс гадна машин сургалт болон задлан шинжилэх технологиудыг ашиглан таны э-мэйл үйлчилгээг чиглэж буй бүх төрлийн халдлагыг зогсооно.