Кибер аюулгүй байдлын технологийн тэргүүлэгч үйлдвэрлэгч Check Point Software Technologies компани олон улсын судалгаа, зөвлөх үйлчилгээний Forrester байгууллагаас гаргасан “The Forrester Wave™: Enterprise Firewall Solutions, Q4 2026” тайланд Leader буюу Тэргүүлэгч ангилалд багтлаа. Тус үнэлгээнд Check Point нь одоогийн бүтээгдэхүүн, шийдлийн чадавхыг илэрхийлэх Current Offering ангилалд хамгийн өндөр оноо авсан үйлдвэрлэгчдийн нэг болж, хиймэл оюун ухаанд суурилсан хамгаалалт, дэвшилтэт халдлагаас урьдчилан сэргийлэх технологи болон нэгдсэн удирдлагын боломжуудаараа онцгой үнэлгээ авчээ.

Хиймэл оюун ухаан, Cloud технологи болон байгууллагын дижитал шилжилт хурдацтай хөгжихийн хэрээр кибер халдлагын арга барил улам нарийсаж, уламжлалт сүлжээний хамгаалалтын системүүдэд шинэ сорилтууд тулгарч байна. Өнөөдөр байгууллагууд зөвхөн гаднаас ирж буй халдлагыг илрүүлэхээс гадна тэдгээрийг системд нэвтрэхээс нь өмнө урьдчилан сэргийлэх, олон төрлийн дэд бүтцэд ижил түвшний хамгаалалт хэрэгжүүлэх шаардлагатай болжээ.

Энэ нөхцөлд Check Point компанийн Enterprise Firewall шийдлүүд олон улсын судалгааны байгууллагын үнэлгээгээр тэргүүлэгчдийн эгнээнд багтсан нь сүлжээний хамгаалалтын технологид хийж буй шинэчлэл, хөгжүүлэлтийн үр дүнг харуулж байна.

Forrester Wave™ гэж юу вэ?

Forrester нь дэлхийн технологийн зах зээл, бизнесийн стратеги болон мэдээллийн технологийн шийдлүүдэд судалгаа, шинжилгээ хийдэг олон улсын хараат бус байгууллага юм.

Тус байгууллагаас гаргадаг The Forrester Wave™ судалгаа нь тодорхой технологийн зах зээлд үйл ажиллагаа явуулж буй үйлдвэрлэгчдийн бүтээгдэхүүн, үйлчилгээ, стратеги болон хэрэглэгчдийн туршлагыг нэгдсэн аргачлалаар харьцуулан үнэлдэг тайлан юм.

Үнэлгээ нь дараах үндсэн чиглэлүүдийг хамардаг.

• Current Offering: Одоогийн бүтээгдэхүүн, шийдлийн техникийн боломж, хамгаалалтын үр нөлөө, үйл ажиллагааны чадавх.
• Strategy: Үйлдвэрлэгчийн технологийн хөгжлийн бодлого, ирээдүйн стратеги, инновацын чиглэл.
• Customer Feedback: Бүтээгдэхүүн ашиглаж буй байгууллагуудын бодит туршлага, сэтгэл ханамж болон үйлчилгээний чанарын үнэлгээ.

Forrester Wave тайлан нь байгууллагуудад технологийн шийдэл сонгохдоо зөвхөн үйлдвэрлэгчийн сурталчилгаа, техникийн үзүүлэлтэд тулгуурлах бус, олон талын судалгааны үр дүнг харгалзан үзэх боломж олгодог.

2026 оны дөрөвдүгээр улирлын Enterprise Firewall Solutions үнэлгээнд Check Point нь Leader ангилалд багтаж, сүлжээний аюулгүй байдлын зах зээл дэх өрсөлдөх чадвараа дахин харууллаа.

Check Point 26 шалгуурын 15-д нь хамгийн өндөр үнэлгээ авчээ

Тус тайланд Check Point компани 6 ангилалд хамгийн өндөр оноо авж тэргүүлэгчээр тодорсон гол гол үзүүлэлтүүдийг дэлгэрэнгүй танилцуулж байна. Үүнд:

• Centralized Management and Usability – Нэгдсэн удирдлага, хялбар хэрэглээ: Бүх аюулгүй байдлын бодлого, хяналт, хариу арга хэмжээг нэг интерфейсээс удирдах боломжтой. Ингэснээр мэдээллийн ил тод байдлыг нэмэгдүүлж, багийн ажлыг хялбаршуулна.
• Least-Privileged Access Enforcement – Хамгийн бага эрхийн хэрэгжилт: Хэрэглэгч зөвхөн өөрт шаардлагатай дата-д хандах эрхтэй. Эрх нь хэрэглэгчийн албан тушаал, бодит цагийн эрсдэлийн үнэлгээнд үндэслэн тогтоогдоно.
• Segmentation and Control – Сегментчилэл ба хяналт: Хэрэглэгч, дата өгөгдөл, ажлын ачааллыг тусад нь ангилж хамгаална. Ингэснээр халдлага тархах эрсдэлийг бууруулна.
• Deployment – Нэвтрүүлэлтийн уян хатан байдал: Клауд, он-премис зэрэг ямар ч орчинд Zero Trust-ийг шат дараатай хурдан нэвтрүүлж боломжтой. 
• Roadmap –  Төлөвлөгөө: AI болон автоматжуулалтад суурилсан хамгаалалтын шийдлүүдийг хөгжүүлэх тодорхой төлөвлөгөөтэй. Ингэснээр Zero Trust-ийг том хэмжээний байгууллагуудад үр дүнтэй хэрэгжүүлнэ.
• Supporting Services and Offering : Zero Trust хэрэгжилтийн зөвлөх үйлчилгээ, сургалт, техникийн дэмжлэг үзүүлдэг. Үнийн хувьд өрсөлдөх чадвартай, уян хатан сонголтуудтай.\

The Forrester Wave™: Enterprise Firewall Solutions, Q4 2026

Check Point AI Network Firewall: Хиймэл оюун ухааны эрин үеийн сүлжээний хамгаалалт

Check Point компани 2026 оны долдугаар сарын 30-нд өөрийн танилцуулснаар салбартаа анхдагч AI Network Firewall шийдлийг зарласан.

Уламжлалт Firewall нь сүлжээгээр дамжиж буй IP хаяг, порт, протокол болон аппликейшний урсгалд хяналт тавихад чиглэдэг бол AI технологийн хэрэглээ нэмэгдсэнээр сүлжээгээр дамжих мэдээллийн агуулга, зорилго болон автоматжуулсан үйлдлийг ойлгох шаардлага үүссэн.

Тухайлбал, AI платформ руу илгээж буй Prompt дотор байгууллагын нууц мэдээлэл байгаа эсэх, AI Agent зөвшөөрөлгүй API эсвэл өгөгдлийн санд хандаж байгаа эсэх, AI аппликейшн Prompt Injection халдлагад өртөж байгаа эсэхийг уламжлалт сүлжээний хамгаалалтын аргаар бүрэн тодорхойлоход хүндрэлтэй.

Check Point AI Network Firewall нь ажилтан, AI аппликейшн болон AI Agent-ийн сүлжээний харилцааг бодит цаг хугацаанд хянаж, AI-д хамаарах аюул заналыг илрүүлэх, хамгаалалтын бодлого хэрэгжүүлэх боломжийг бүрдүүлдэг.

AI Network Firewall шийдлийн үндсэн боломжууд

1. Secure Employee AI Use – Ажилтнуудын AI хэрэглээг хамгаалах

• Байгууллагын ажилтнуудын ашиглаж буй Generative AI хэрэгслүүдийг илрүүлж, зөвшөөрөгдсөн болон Shadow AI хэрэглээг ялган тодорхойлох боломжтой.
• AI систем рүү илгээж буй Prompt болон файлын агуулгыг бодит цаг хугацаанд шинжилж, эмзэг мэдээлэл зөвшөөрөлгүй дамжих эрсдэлийг бууруулна.
• AI-д суурилсан Intent Classification технологи нь зөвхөн түлхүүр үг шалгах бус, хүсэлтийн зорилго, агуулгыг шинжлэх боломж олгодог.

2. Govern AI Agents – AI Agent-ийн үйл ажиллагааг хянах

• AI Agent нь зөвхөн асуултад хариулах бус, бусад системтэй холбогдох, мэдээлэл боловсруулах, API дуудах болон тодорхой үйлдлийг автоматаар гүйцэтгэх боломжтой.
• AI Network Firewall нь эдгээр Agent-ийн үйл ажиллагааг хянаж, ямар аппликейшн, API, Database, Tool болон Model Context Protocol (MCP) Server-т хандаж байгааг тодорхойлох, зөвшөөрөгдсөн хүрээнд ажиллах бодлого хэрэгжүүлэх боломж олгоно.

3. Protect AI Applications – AI аппликейшнүүдийг хамгаалах

• Байгууллагын дотоод систем болон хэрэглэгчдэд зориулсан AI аппликейшнүүдийг Prompt Injection, Data Exfiltration, Adversarial Inputs болон API Abuse зэрэг халдлагаас хамгаална.
• Тус хамгаалалт нь AI Model-ийг дахин сургах шаардлагагүйгээр Runtime түвшинд сүлжээний урсгалыг хянаж, сэжигтэй үйлдлийг илрүүлэх, таслан зогсоох боломжтой.

Hybrid Mesh Network Security: Олон орчныг нэгдсэн хамгаалалтаар хангах нь

Орчин үеийн байгууллагын мэдээллийн технологийн дэд бүтэц зөвхөн нэг оффис эсвэл нэг Data Center-ээр хязгаарлагдахаа больсон. Cloud үйлчилгээ, салбар нэгж, алсын зайнаас ажиллах хэрэглэгчид болон төрөл бүрийн төхөөрөмжүүд байгууллагын сүлжээний нэг хэсэг болж байна.

Энэ өөрчлөлттэй уялдуулан Check Point нь Hybrid Mesh Network Security стратегийг хэрэгжүүлж, өөр өөр орчин дахь сүлжээний хамгаалалтыг нэгдсэн бодлого, удирдлагад нэгтгэхэд анхаарч байна.

Тухайлбал, байгууллагууд Data Center, Cloud, Branch болон Edge орчинд хамгаалалтын бодлогоо уялдуулан хэрэгжүүлж, төвлөрсөн удирдлагын системээр дамжуулан аюулгүй байдлын үйл ажиллагаагаа хянах боломжтой.

Энэхүү стратегийн хүрээнд Check Point нь AI Data Center Security, AI Network Firewall, Firewall-as-a-Subscription болон Maestro Hyperscale Orchestrator зэрэг шийдлүүдийг хөгжүүлж байна.

Firewall-as-a-Subscription үйлчилгээ нь firewall хамгаалалтыг захиалгын загвараар ашиглах, хэрэгцээ шаардлагад нийцүүлэн өргөжүүлэх боломж олгодог бол Maestro Hyperscale Orchestrator нь байгууллагын сүлжээний хамгаалалтын хүчин чадлыг өргөтгөх, өндөр ачаалалтай орчинд ажиллуулахад чиглэдэг.

Эдгээр технологийн уялдаа нь байгууллагын сүлжээ өргөжихийн хэрээр хамгаалалтын удирдлагыг хялбарчлах, аюулгүй байдлын бодлогын нэгдмэл байдлыг хангахад чухал үүрэгтэй.

Байгууллагуудын кибер аюулгүй байдалд ямар ач холбогдолтой вэ?

Кибер аюулгүй байдлын уламжлалт арга барил нь халдлагыг илрүүлсний дараа хариу арга хэмжээ авахад ихээхэн төвлөрдөг байсан бол өнөөгийн аюул заналын нөхцөлд урьдчилан сэргийлэх хамгаалалт улам чухал болж байна.

Ялангуяа хиймэл оюун ухаанд суурилсан халдлага, автоматжуулсан халдлагын хэрэгсэл, шинээр илэрсэн эмзэг байдлуудын улмаас байгууллагууд хамгаалалтын арга хэмжээгээ илүү шуурхай, ухаалаг болгох шаардлагатай болсон.

Check Point-ийн AI-д суурилсан Threat Prevention технологи нь аюул заналын мэдээллийг ашиглан сэжигтэй үйлдлийг бодит цаг хугацаанд тодорхойлох, халдлага байгууллагын чухал системд нөлөөлөхөөс өмнө таслан зогсооход чиглэдэг.

Түүнчлэн нэгдсэн удирдлагын боломж нь мэдээллийн технологийн багуудад олон төрлийн хамгаалалтын системийг тус тусад нь удирдахаас үүсдэг хүндрэл, алдааны эрсдэлийг бууруулахад тусалдаг.

Forrester-ийн үнэлгээнд Check Point-ийн Advanced Threat Prevention, Threat Intelligence болон Unified Management чиглэлүүд өндөр үнэлгээ авсан нь AI технологийн эрин үед байгууллагуудын сүлжээний хамгаалалтад тавигдаж буй шаардлагатай нийцэж байгааг харуулж байна.

Vertexmon – Дэлхийн тэргүүлэгч кибер аюулгүй байдлын шийдлийг Монголд

Вертексмон ХХК нь мэдээллийн технологи, сүлжээ болон кибер аюулгүй байдлын чиглэлээр олон улсын тэргүүлэгч үйлдвэрлэгчдийн шийдлийг Монголын төрийн болон хувийн хэвшлийн байгууллагуудад нэвтрүүлэн ажиллаж байна. Бид Check Point компанийн Next-Generation Firewall, AI Network Firewall болон бусад мэдээллийн аюулгүй байдлын шийдлүүдийг байгууллагын дэд бүтэц, үйл ажиллагааны онцлог, хэрэгцээ шаардлагад нийцүүлэн санал болгож байна.

Байгууллагын сүлжээний хамгаалалтыг сайжруулах, AI технологийн хэрэглээг аюулгүй болгох, Check Point-ийн дэвшилтэт шийдлүүдийн талаар дэлгэрэнгүй мэдээлэл авахыг хүсвэл манай мэргэжилтнүүдтэй холбогдоорой.

Мэдээллийн аюулгүй байдлын шилдэг шийдлийг нэвтрүүлэгч Вертексмон компани.