Дэлхийн технологийн салбарт тэргүүлэгч, хиймэл оюунд суурилсан кибер хамгаалалтын Darktrace болон клауд технологи, дэд бүтцийн шийдлээр дэлхийд танигдсан Nutanix компаниуд хамтран "Cyber Security workshop & HCI platform and move" сэдэвт мэргэжлийн сургалт, семинарыг Вертексмон компани амжилттай зохион байгуулж, мэдээлэл технологийн чиглэлээр ажилладаг 70 гаруй мэргэжилтнүүд оролцлоо.

Энэхүү арга хэмжээнд Darktrace болон Nutanix компанийн олон улсын экспертүүд хүрэлцэн ирж, кибер аюулгүй байдлын чиглэлээр дэлхийд тэргүүлэх технологи, шийдлүүдээ Монголын зах зээлд танилцууллаа. Арга хэмжээний үеэр ​​​​​​танилцуулсан шийдлүүдээс дурдвал:

Darktrace: Хиймэл оюунд суурилсан кибер хамгаалалтын ирээдүй

Арга хэмжээг кибер хамгаалалтын салбарт хувьсгал хийж буй Darktrace компани эхлүүлэв. Darktrace компани өөрсдийн "Autonomous Response" буюу хүний оролцоогүйгээр аюул заналыг таньж, хариу арга хэмжээ авдаг технологийн давуу талыг танилцуулсан юм. Тус Workshop үеэр дараах сэдвүүдээр илтгэл тавьсан бөгөөд үүнд.

• Хиймэл оюунд суурилсан хамгаалалтын ирээдүй: Darktrace-ийн экспертүүд уламжлалт хамгаалалтын системүүд орчин үеийн нарийн төвөгтэй халдлагын өмнө хүчин мөхсөдөж буйг онцлоод, хиймэл оюун ухаан нь сүлжээний хэвийн үйл ажиллагааг өөрөө суралцаж, хэвийн бус үйл ажиллагааг бодит цагт илрүүлснээр урьдчилан сэргийлэх хамгаалалтыг хэрхэн бий болгодгийг тайлбарлав.
• Бодит кэйсүүд (IT & OT): Зөвхөн мэдээллийн технологийн (IT) сүлжээ төдийгүй, үйлдвэрлэл, дэд бүтцийн (OT) орчинд тулгарч буй аюул заналыг Darktrace хэрхэн амжилттай илрүүлж, зогсоосон бодит жишээнүүдийг танилцуулсан нь оролцогчдын сонирхлыг ихэд татав.
• Технологийн шууд үзүүлбэр (Live Demo): Хамгийн сонирхолтой хэсэг бол Darktrace-ийн технологи бодит халдлагын симуляцийн үед хэрхэн ажиллаж байгааг харуулсан явдал байв. Систем нь сүлжээнд нэвтэрсэн хортой кодыг хүний оролцоогүйгээр хэдхэн секундийн дотор таньж, түүний тархалтыг бүрэн зогсоож байгааг оролцогчдодоо харуулсан юм.

Nutanix: Уян хатан, үр ашигтай дэд бүтцийн шийдэл

Кофе завсарлагын дараа үргэлжилсэн хоёрдугаар хэсэгт Nutanix компани өөрсдийн Hyper-Converged Infrastructure (HCI) платформ болон Nutanix MOVE шийдлээ танилцуулав. Энэхүү шийдлүүд нь байгууллагын дэд бүтцийг хялбарчлах, өргөтгөх, удирдах үйл ажиллагааг сайжруулахад чиглэж байв.

• Nutanix HCI Платформын танилцуулга: Nutanix-ийн HCI шийдэл нь сервер, storage, сүлжээ зэрэг уламжлалт дэд бүтцийн нарийн төвөгтэй хэсгүүдийг нэгдсэн, ухаалаг программ хангамжаар удирдах боломжийг олгодог. Ингэснээр дата төвийн зардлыг бууруулж, системийн найдвартай ажиллагааг нэмэгдүүлж, бизнесийн шаардлагад нийцүүлэн дэд бүтцээ хялбархан өргөтгөх боломжийг бий болгодгоороо давуу талтай юм.
• Nutanix MOVE-ээр хялбаршуулсан шилжилт: Олон байгууллага VMware зэрэг уламжлалт виртуалчлалын платформоос шинэ технологи руу шилжихдээ үйл ажиллагааны тасалдал, өгөгдлийн алдагдлаас эмээдэг. Nutanix MOVE нь энэхүү шилжилтийг автоматаар, ямар ч тасалдалгүй, эрсдэл багатайгаар хийж гүйцэтгэдэг хүчирхэг хэрэгсэл болохыг онцолж, шилжилтийн үйл явцыг хэрхэн хялбарчилдаг талаар дэлгэрэнгүй танилцууллаа.

Арга хэмжээний төгсгөлд оролцогчид чөлөөт уулзалт, оройн зоогийн үеэр Darktrace болон Nutanix-ийн экспертүүдтэй илүү ойр дотно ярилцаж, өөрсдийн байгууллагад тулгамдаж буй асуудлуудын талаар зөвлөгөө авах, хамтын ажиллагааны боломжуудыг эрэлхийлэх боломжийг олгосон үр дүнтэй арга хэмжээ боллоо.

Вертексмон компани нь Darktrace болон Nutanix брэндийн мэдээллийн аюулгүй байдлын цогц шийдлүүдийг Монголын зах зээлд албан ёсоор нийлүүлэн, байгууллагын онцлогт нийцүүлэн нутагшуулах, суурилуулах, сургалт болон борлуулалтын дараах мэргэжлийн үйлчилгээг олон улсын сертификаттай инженерийн багаар дамжуулан харилцагчдадаа хүргэж байна.

Мэдээллийн аюулгүй байдлын шилдэг шийдлийг нэвтрүүлэгч Вертексмон компани